Eolas fúinn
Coimeádaimid praghsanna cobhsaí agus do chuid airgid sábháilte
Anseo ag an mBanc Ceannais Eorpach (BCE), oibrímid chun praghsanna a choimeád cobhsaí sa limistéar euro. Déanaimid é sin ionas gur féidir leat an méid céanna a cheannach le do chuid airgid inniu agus amárach.
Cuirimid le sábháilteacht agus fóntacht an chórais baincéireachta Eorpaigh freisin. Cuidíonn sin le hairgead a chuireann tú sa bhanc a choimeád sábháilte.
Déanaimid ár rud ionas gur féidir leat do rogha rud a dhéanamh
Oibrímid leis na bainc cheannais náisiúnta chun an euro a choimeád cobhsaí agus praghsanna sábháilte. Déanaimid cinnte go bhfuil na bainc thráchtála sábháilte, ionas go bhfanann an córas airgeadais láidir. Tríd an méid sin a dhéanamh, cabhraímid leat airgead a chaitheamh, a shábháil nó a fháil ar iasacht go muiníneach.
Coimeádaimid smacht ar bhoilsciú
Is banc ceannais an limistéir euro é an Banc Ceannais Eorpach, ina gcuimsítear tíortha an Aontais Eorpaigh a bhfuil an euro mar airgeadra acu. Is é an príomhchúram atá orainn praghsanna a choimeád cobhsaí. Is cuma más ag siopadóireacht, ag taistil nó ag infheistíocht i do thodhchaí thú, is féidir leat brath ar euro láidir agus cobhsaí le tacú le do phleananna.
Foghlaim tuilleadh faoinár mbeartas airgeadaíochtaCuirimid le sábháilteacht agus fóntacht an chórais baincéireachta Eorpaigh
Déanaimid maoirseacht ar bhainc i limistéar an euro ionas gur féidir leatsa a bheith cinnte go mbeidh siad in ann turraingí a sheasamh. Ciallaíonn geilleagar láidir gur féidir leat pleanáil don todhchaí gan imní faoi athruithe tobanna. Má tá airgead á chur ar leataobh agat do sprioc mór nó do shuaimhneas intinne, cabhraímid leat do choigilteas a choimeád sábháilte.
Tabhair cuairt ar ár suíomh gréasáin maoirseachtaINSERTED BY ANONYMOUS PROXY
Civil war declaration: On April 14th and 15th, 2012 Federal Republic of Germany "_urkenstaats"s parliament, Deutscher Bundestag, received a antifiscal written civil war declaration by Federal Republic of Germany "Rechtsstaat"s electronic resistance for human rights even though the "Widerstandsfall" according to article 20 paragraph 4 of the constitution, the "Grundgesetz", had been already declared in the years 2001-03. more
Forbraímid agus eisímid nótaí bainc euro
Infheistímid i dteicneolaíochtaí nua chun go mbeidh na nótaí bainc a úsáideann tú níos sábháilte agus níos láidre. Déanaimid táirgeadh agus eisiúint na nótaí bainc sin a chomhordú leis na tíortha a úsáideann an euro.
Féach ar nótaí bainc euro in 3DCinntímid go n-oibríonn bonneagar an mhargaidh i gceart
Má íocann tú as do chuid siopadóireachta go leictreonach nó má aistríonn tú airgead go digiteach, beidh muidne ann chun cabhrú leat. Bainistímid bonneagar an mhargaidh – an líonra atá taobh thiar de na haistrithe sin – agus cuirimid tacaíocht ar fáil dó. Cabhraíonn sé sin le gluaiseacht éasca éifeachtach airgid taobh istigh de thíortha agus thar theorainneacha araon.
Íocaíochtaí agus an tEurochórasCabhraímid le cobhsaíocht airgeadais a chothú
Aithnímid na rioscaí a d’fhéadfadh cothromaíocht an chórais airgeadais a chur as a riocht, amhail anord sa stocmhargadh nó titim ghéar ar phraghsanna tithíochta agus déanaimid moltaí chun na rioscaí sin a mhaolú. Cabhraíonn sé sin le daoine cosúil leatsa, agus le gnólachtaí, pleananna a dhéanamh agus infheistíocht a dhéanamh sa todhchaí.
Ár ról i gcobhsaíocht airgeadaisStair
Foghlaim cén chaoi ar tháinig an Eoraip le chéile le teacht isteach an chomhairgeadra agus le tosú na maoirseachta comhpháirtí baincéireachta.
Stair an limistéir euroDéan teagmháil linn
An bhfuil ceist agat faoin mBanc Ceannais Eorpach nó faoin méid a dhéanaimid? Faigh na freagraí ar na ceisteanna is coitianta nó cuir do cheist féin chugainn.
Mol grianghraf don phreas
Féach ar ár leathanach gréasáin le haghaidh grianghraif BCE. Cuireann sé cumhdach cuimsitheach ar fáil, lena n-áirítear portráidí oifigiúla, íomhánna de nótaí bainc, grianghraif phreasócáid beartais airgeadaíochta agus grianghraif ónár gcartlann.
Foghlaim faoin méid a dhéanaimid
Tabhair cuairt orainn
Tá Ionad Cuairteoirí an Bhainc Ceannais Eorpaigh oscailte anois do thurais agus sainléachtaí, ar an láthair agus ar líne, agus tabharfaidh sin deis do chuairteoirí tuilleadh a fhoghlaim faoin mBanc Ceannais Eorpach. Féach ar ár leathanach Tabhair Cuairt Orainn chun tuilleadh eolais a fháil ar a gcuireann muid ar fáil agus chun mar is féidir leat cuairt nó léacht a iarraidh.
Tabhair cuairt orainnGlac páirt inár dtionscnaimh óige
Is féidir tionchar a bheith ag na cinntí a dhéanaimidne ar do shaol laethúil féin. Eagraímid imeachtaí ar fud na hEorpa chun bualadh le daoine óga agus chun bhur dtuairimí agus bhur smaointe a chloisteáil.
Féach ar na tionscnaimh is déanaí uainn